dating kuwento, bagong tao.
Sermon ni Obet kay Nanay Auring. malakas ang boses at nakatatakot. mga blangkong salita na puno ng galit at pangungutya. paninisi dahil sa nangyari sa kawawang buhay niya na kalmadong tinatanggap ng kawawang ina. walang luha, madaming dugo. amoy araw at uugod-ugod. kung nagsumikap lang sana siya ng mas mabuti, sana, si Obet ay lumaking maayos at marangal.
Sumbatan, Okrayan, Ngitngit at Alitan. bawat mabuting asal na pinakita at lahat ng naitulong sa kapwa ay sinusumbat niya. ang ganti naman ng kawawang kaluluwa ay panlalait sa bunganga nang umaalipusta sa kanya. ngitngitang walang katapusan na wala namang patutunguhan. alitang mamanahin ng susunod na angkan. walang katapusang sumbatan, walang tigil na okrayan. kawawang henerasyon, susuong sa digmaang hindi naman sila ang nagpausbong.
Salungat na Obserbasyon nang Nagmamarunong na Aparisyon. nakikita lamang dahil sa makikinang na kasuotan. kung gaano katingkad ang panlabas na anyo, ganun kadilim ang kaibuturan ng puso. nakatatakot na aparisyon na makikita mo lang 'pag may magarang pagdiriwang. nagpapanggap na may malasakit at nagsasabi ng matatalinhagang obserbasyon na pandagdag sa kinang ng kanilang magarbong kasuotan. lulutang-lutang at mahirap matagpuan sa panahon kung kelan sila kailangan.
Sira ulong wala sa Obituaryo ang Ngalan at madaming Alaala. ang sira ulo na pinagdadasal ang kaluluwa ng mga taong nababasa niya sa obituaryo at minumura ang mga kaluluwang walang pangalan na nakaukit sa kanilang puntod. ang sira ulong hindi nakalilimot at matapang na isinisigaw ang kanyang mga alaala. ang sira ulong kinukutya dahil masyado siyang madaming pangarap. hindi niya hinangad na malathala ang pangalan niya sa obituaryo. ang gusto niya din ay mamura ng mga makabagong sira ulo. mga sira ulo na madami din alaala. mga sira ulong matagal nang alam na puwede naman talagang mangarap.
Susmaryosep! OMG! 'Nak ng.. Ampupu!
No comments:
Post a Comment