Lilipad, Lilipad, Unggooooy!

naman!

kase ganito yun. bale kase, hindi ka dapat malulula. lilipad ka hindi para tumingin sa baba. nakatingala ka lang dapat, lagpas sa mga ulap, kasaby ng kulog at kidlat. kaya wag kang titingin sa baba, huwag huwag huwag. masama yun. hindi porque nasa taas ka, mababa tingin mo sa nasa baba.

may lumilipad gamit ang UTOT na masarap basahin 'pag naka all caps. malakas at mabahong UTOT. mabilis. walang panahon para tumingin pababa. titingin lang siya para walang mabagsakan. mabilis at mahirap pigilan lalo na kung tatapatan pa ng lighter ang labasan ng UTOT, parang jet booster talaga.

merong lumilipad gamit ang eroplano. walang kuwenta. isang lipad na ginagawa lang para makatawid sa kabilang lupa. baduy at boring. lumilipad pero alam na ang patutunguhan. lumilipad dahil nagmamadali. wala wala. talo. lumipad ka pa. hindi ka lumilipad, yun lang makina. baduy talaga.

merong lumilipad gamit ang saranggola. maganda ang saranggola. yung korteng unggoy na saranggola. paglipad na pinananatiling nakaapak sa lupa ang iyong mga paa. paglipad na ligtas at ang sarap talaga. lilipad gamit ang pisi na nagdudugtong sa unggoy na saranggola. walang inggit, ibang klase. walang hinihinging kapalit, masaya na sa pagmamasid na may napapalipad ka. masaya dahil natatangay ka nung unggoy na saranggola. lipad na lipad! sabay kidlat pa, panalo talaga!

ang sarap lumipad. ang layo sa realidad talaga. talampakang 'di nakasayad sa lupa, mga kamay na abot ang ulap. ang saya, andaming matututunan. walang kapalit ang sensasyong madarama talaga basta siguraduhing marahang babagsak ang talampakan sa lupa. hindi ka puwedeng lumipad lagi, hindi ka ibon. walang oxygen dun, delikado. hayaan mong gisingin ka ng mga awit ng anghel na itutulak, err, gagabayan ka pala pababa. tama, may mga anghel talaga. salamat sa kanila talaga.

paalam pansamantala buwan, ulap, mga tala at malawak na kalangitan. roromansahin ko muna ang lupa. magkikita tayo muli, pangako.