Kapag Walang Panda, Balyena at Pawikan

magugunaw ang mundo.

madaming organisasyon na ang naitatag para sa kaligtasan ng mga hayop na malapit ng maubos. pati nga dun sa mga aspin, pusa, daga, janitor fish at iba pa ay meron na din. ngayon, ang tanong ay ganito, ano ang importansya nila sa sistema? kapag ba nailigtas at napadami ang lahi ng mga panda, balyena, pawikan at iba pa, ano ang mapapala natin? madaming tao ang nagugutom sa mundo pero, may mga tao na mas nag-aaksaya ng panahon sa mga hayop na 'to kesa sa kapwa nila tao. baket? kapag ba naubos ang Philippine eagle, whale sharks, mga asong ligaw na may rabbies at iba pang kahayupan na nakatira dito sa planetang ito, ano mangyayare? mamamatay tayo sa boredom dahil wala ng magiging laman ang mga zoo? magagalit tayo sa cable companies dahil mawawala na ang Nat Geo at Discovery channel? hindi ba lalaking malusog ang mga anak naten dahil sa mga larawan na lang nila makikita ang mga nasabing hayop? bakit nga ba importante sila? andaming problema ng mundo pero, bakit pati sila kelangan pang isama?

ewan ko pero, sa tingin ko, 'pag naubos sila, magugunaw na ang mundo. ewan ko, pero sa panahon ngayon, mas mabuting nilalang pa yung mga hayop na yun kesa sa mga tao. ang leon, 'di pinapatay ang kapwa niya leon. ang mga panda, bigyan mo lang ng dahon-dahon at kawayan, masaya na. ang mga pawikan at balyena, lumangoy-langoy lang at lumutang-lutang, nabubuhay na. walang komplikasyon, walang drama. walang arte, hangad lang ang tunay na esensya ng paghinga -- ang mabuhay. ewan ko pero, 'pag naubos sila, wala nang magtuturo saten kung paano mabuhay. ang pag-ikot ng mundo, mawawalan ng saysay kung puro tao na lang ang matitira, na karamihan ay nabubuhay para lang sa kanilang sarili. mga tao na mga asal tao. tama. dahil nakahihiya sa mga hayop na ikumpara sila saten.

'pag naubos ang mga panda, balyena at pawikan, magugunaw na ang mundo, ang buhay. matutunaw kase ang yelo sa dalawang polares dahil sa luha ng mga polar bear, penguin at ng walrus.