Ayoko ng Pera

wala akong pera dahil ayoko.

gusto ko yung mga bagay na nabibili ng pera pero, yung pera mismo ayoko. makukuha ko din naman ang mga bagay na yun kung wala ang pera. mahirap pero bahala na? ayoko kasi ng pera. yuk. eww. kadiri.

yung hustisya nakukuha gamit ang pera. pero puwede din naman kahit wala. hindi nga lang magiging patas kung wala kang pera pero, hustisya pa din naman yun? mali nga pero ganun na din yun. ayos na yun kesa gumamit ako ng pera. hindi ako masusuka.

yung panty ng kursonada kong dalaga puwede kong makita kung meron akong pera. makikita ko kung anong kulay kung bibigyan ko siya ng pera. wag na uy? alam ko kaya kung saan siya nakatira at kung kelan siya naglalaba? titingala lang ako, 'di na kelangan ng pera. asa naman siya. kanya na ang SO-EN niya. hindi naman Victoria's Secret pala. tss.

yung pagiging mabait nabibili din ng pera. yung kabutihang asal at guwapong imahe ay negotiable na din. oo maniwala ka. basta may pera ka, tila hulog ka ng langit sa mata ng mga maralita. sasambahin ka at pupunasan ng panyo na parang poon. err, ayoko naman nun. kaya ko man gawin o hindi e hindi sumagi sa isip ko yun. si Wowowee na lang ang bahala dun, ayoko makisawsaw.

ang pagiging pogi nabibili din ng pera. naku napakadali talaga. kung maitim ang batok mo at pango ang ilong mo, wag ka mag-alala. kung may pera ka, yung kulubot mong mukha puwedeng maging kasing unat ng bond paper. err, 'di ko naman problema yun buti na lang. gusto ko kase ng mukhang madaming linya. gusto ko organic, ayoko ng artificial. buti na lang mainam ang genes ko. joke lang! ahe.. ayoko maging pogi. ambaduy.

nakalulungkot pero, pati ang pag-ibig at pagmamahal nabibili ng pera. ewan ko. siguro 'di niyo lang namamalayan pero nangyayari talaga 'to. panget pero totoo. magara pero makabibili ka talaga kung gusto mo. pero, tulad nung mga nauna, kaya pa din makuha yun kahit wala kang pera. ang kelangan mo lang gawin, tumingala. 'di ka madudungisan.