Ang Tatlong Baboy at Tatlong Daga

dati kasi, may nangyare.

nagunaw na ang mundo at naubos na lahat ng hayop kasama ang tao. ang natira lang, anim na nilalang. tatlong baboy at tatlong daga. umm, kelangan nilang tumakas. kapirasong lupa na lang ang natitira sa Planeta. kelangan nilang magparami. pero paano at saan sila pupunta? hirap.

e di ganun na nga. hirap na hirap at natatakot na sila. hindi nila malaman ang gagawin. "oink oi-oik, bo-boink!" sabi ng mga natatarantang baboy. "eek-ki ek, ek keek eeeek." mahinahong tugon naman ng mga daga. kalma lang, kaya niyo yan.

tapos, may naisip yung isang daga! magaling kase yun! kasali yun sa top 10 nung elementarya siya e! "EEEEK!" sabi niya. "OINNNKEEEK!" tugon naman nung tatlong baboy at dalawang daga pa! ang galing talaga! ibang klaseng pag-iisip talaga!

tapos nun, yun na nga. sinimulan na nila yung plano. e di ganito, gamit yung matatalas na ipin ng mga daga, pinutol nila yung tenga nung tatlong baboy. "OIIARGGGNKK!" sigaw nila. pero 'di nila narinig kase wala na silang tenga. tapos nun, gamit ang malakas na puwersa ng mga baboy, hinugot nila ang buntot nung tatlong daga. "EEEEARGGHKK" tili nila! pero ayos lang, kelangan e. tapos nun, yun na nga. may tatlong mahahabang buntot at anim na pirasong tenga na sila. sangkap para magawa ang plano ng dagang kasali sa top 10 nung elementarya.

ano gagawin nila dun? tingin niyo? paano gagamitin ang mahahabang buntot ng daga at tatlong pares ng tenga ng mga baboy para makaligtas? paano nga kaya.

nauubos na ang lupang tinatapakan nila. napapalibutan na sila nang umaasong kargatan ng magma. abala ang tatlong baboy at daga sa ginagawa nilang aparato para makaligtas. bilisan niyo! andiyan na yung magma!

sa isang iglap, *poof* sabi. yun. tapos. wala na. nawala sila.

paano? we? 'di ko nakita? wa? ano nangyare?

at yun na nga. nagkatuluyan yung tatlong baboy at daga at tinawag ang lahi nilang Dabagaboy.

WAKAAAAAS!