Karapatang Magpahaba

dahil yun ang nagpapalakas kay Samson.

gender equality. pagkapantay-pantay ng babae, lalake at mga bisexuals. tama pero, ba't ganun? parang puro pabor lang sa mga kababaihan ang nangyayare? paano naman ako? kami?

ayokong magpagupit, ayoko talaga. ito ang sumisimbolo ng kalayaan para sa isang tulad ko. malayang magpahaba ng buhok, babae ka man o lalake dapat. si Lapu-Lapu mahaba buhok, lalake yun. yung mga sinaunang lalake mahahaba ang buhok. yung mga taong tabon di ba? sa Europa mahahaba ang buhok ng mga lalake. kahit sa mga eskuwelahan nila puwede. e bakit dito? bakit 2 by 3 ang kelangang gupit nung elementary hanggang hayskul? at 'pag minalas-malas ka pa, may mga kolehiyong nagbabawal din para sa mga kalalakihang mahahaba ang buhok. anak ng teteng! ambaduy kaya nung 2 by 3 na yun!

proper grooming ba 'kamo? para maganda at desenteng tingan ganun? baket, may mga maiikli ang buhok na madumi din tingan a. baket yung mga Politiko at intelehenteng tao dati, nagsusuot sila nung wig na may curls para magmukhang kagalang-galang? si Da Vinci na isang henyo, mahaba kaya ang buhok pero kagalang-galang pa din ah? ano ba kayo? baket ba kase bawal? tokneneng.

tumutubo ang buhok hindi para gupitin. umuusbong ito kase parte yun ng sistema naten. karapatan nila yun, huwag pigilan. gusto lang nilang maging malaya. hindi naman masagwa at nakasasakit ang mahabang buhok e, mahabang kuko lang. kaya bakit pinipilit niyo kaming putulan? e bakit yung mga babae? tss.

masarap sa pakiramdam na sumasabay sa ihip ng hangin ang buhok ko. para akong nasa isang musik bidyo. ang sayang paglaruan at hipan, hawiin at hayaan ang natural na pagwaswas nito sa mukha ko kaya sana naman, huwag niyong ipagkait. kundi nila ko tatanggapin dahil isa akong lalake na may mahabang buhok, pake ko. 'di ko kawalan. wala ako nakikitang lohiko kung bakit ang mga babae puwedeng magpahaba ng buhok, ang mga lalaki hindi. hindi patas talaga kaya wag ka na.

pake mo ba?