Manunuod Ako ng Bold

err, tama, maganda ang bold.

ewan ko kung saan napunta ang pariralang yan. ewan ko din kung saan na napunta ang kamusmusan. mga kalendaryo ng alak, mga munting larawan sa lighter, mga magasin na Liwayway ang ngalan at yung mga pang-front page na larawan ni Anjeanette Abayari sa tabloid. pati pala yung censored Japanese "ART" Films sa isang cable channel na kung tawagin e WOWOW na pinapalabas tuwing sabado ng madaling araw. yan ang bold. nanunuod at tumitingin kami ng bold. napakamusmos na parirala, mas malusog sa pakinggan at mas mababaw ang kahulugan. manunuod ako ng bold pero cute pa din ako.

ang pagkawala ng musmos na parirala na yan ay kasabay ng pagkakaroon ng muwang ng mga makabagong mamamayan ng Planeta. mula sa manunuod ako ng bold, e napunta na sa magda-download ako ng scandal. medyo hindi na masyado mainam? parang marahas na ang datingan? lalo na kung dadagdagan mo pa ng, yung batang-bata at masarap, e parang medyo hindi na cute kundi hayok na at manyak na manyak. hindi ko alam kung bakit kelangan pa pagdebatehan yung implementasyon ng Sex Education. saan ba sila nakatira? kaninong singit ng isang Porno Star sila nakatira at hindi nila namalayan na matagal nang wala ang kamusmusan nating mga kabataan? oo, kasama ako. dahil magara at ibang klase nga din naman ang scandal kesa sa hamak na bold lang. ewan ko, hindi ko alam. nagpapanggap lang ba silang walang alam o sadyang sa puwitan lang sila ng aso nanahan kaya wala talaga silang alam? 'di ba nila alam na kilala na ng isang limang taong gulang si Maria Ozawa? ewan ko, ang gara niyo, bakit ngayon lang kayo?

dati, panunuod lang ng bold ang alam at uso. ewan ko, pakiramdam ko ay mas-cute ka 'pag yang pariralang yan ang gamit mo. pero ngayon, 'di na uso ang pa-cute. hindi mabibigay nang panunuod ng bold ang kaligayahan na inihahandog ng pagda-download ng scandal. siguro dito mainam simulan ng DepED at CBCP ang kanilang talakayan.

hindi ako cute, ayoko na ng bold.