Trak ng Basura

tren, bisekleta, bus, dyip, Tsedeng, kotseng kuba.

mas gusto ko magmaneho ng trak ng B-A-S-U-R-A.

bakit hindi? yan na ata ang pinakamarangal na trabaho sa lahat. kapag dumadating na, kahit hindi mo nais malanghap, mapapa-yeaaa ka talaga. yeaaa talaga.

hindi maselan. pag yan gamit mo pag trip mo mag-joyride, kahit magsuka lahat ng pasahero mo, ayos lang. ano pa silbi niyan kung malinis yan? tokwa naman. party sa loob ng basurahan. rekta ka na.

talo mo pa ang may sirena o wang-wang. di na kelangan ng magarang busina. matindi puwersa nito pare. dumadagundong ang aura. milya pa lang ang layo, lumuluwag na ang kalsada. smooth sailang ang biyahe mo dude. wasak ang tumibag.

di kelangan ng masyadong maintenance. di mo kelangan mag-helmet. di mo kelangan mag-rosaryo pag pasahero ka dito. walang metro. may nabalitaan ka na ba na, "TRAK NG BASURA, BUMANGGA SA POSTE! 5432, DEDBOL!"

imadyinin niyo, kung ang kalsada naten, trak ng basura lang ang laman. diba mas mainam? basura lang din naman laman ng ibang sasakyan. nagtatago lang sila sa mga magagarang pintura at plate number. kung puro trak ng basura ang laman ng kalsada, mas malinis siguro ang mundo. panalo.

aminin na natin, mabaho lahat tayo. oo lahat. hindi lang yung mga iskuwater o pulube o mga ignorante at walang pinag-aralan. trak ng basura ang nababagay na sakyan naten patungo sa pupuntahang kamatayan. kasama ng mga plastik, patay na hayop, bulok na prutas, lumang sapatos at mga mapagmataas na langaw. saan ka pa? trak ng basura na. joyride papunta sa malawak na karagatan at kabundukan kung saan, mapagtatanto naten na walang nakahihigit kahit kanino man, walang magaling, walang maganda, walang mabango, lahat patas lang, pare-parehong B-A-S-U-R-A.

sana balang araw, magkaron ako ng trak ng basura. 4000HP, 56 inch rims, may built-in GPS, leather seats, may 3D TV, mainam na air-conditioning at siyempre, lumilipad.

basurero on the move.