Sabi Nila

binulong nila saken.

sabi ng pagong, mahirap ang may pasan pero mas mahirap kung kailangan mo pa dumaan sa EDSA para makauwi. sabi ng pagong, madali sambitin ang pag-ibig sa loob ng bahay na astig. sambitin, hindi gawin.

sabi ng lamok, hindi cool ang mabuhay sa dugo. hindi din daw nila malasahan ang lasa ng baboy. sabi ng lamok, wala daw siya kilalang Edward Cullen at oo, 1/4 sa populasyon nila ay may AIDS. ok.

sabi ng bentilador, mainit talaga kapag madaming alikabok. tanggalan daw ng takip at iharang ang daliri sa elisi para sa kakaibang ekspiryensya. ang sabi ng bentilador, hindi daw ako Dentista para sabihing dalawang beses isang taon lang siya puwedeng ma-konsulta, kahit mapunasan lang ba. dedma.

sabi ng mangga, hindi daw sila galit sa mga "Cowboy". ang mga "Cowboy" daw ang galit sa kanila. ang sabi ng mangga, mas mainam talaga ang bagoong kesa sa asin lang. ang asin, hindi malansa.

ang sabi ng hanger, wala. nawili ka naman.

ang sabi ng inay, huwag intindihin ang sasabihin ng iba, hindi sila ang nag-papkain sa'yo. ibang usapan na, kapag si Kris Aquino ang nagsalita. ang sabi ng inay, si Gibo ang iboboto niya. yung sinabi niya kay Noynoy, censored.

ang sabi ng buwan, bakit ba kayo ganyan? ako ginagawa niyong kasangkapan kapag ang puso niyo ay sugatan. ang sabi ng buwan, ang pag-ibig ay mainam. mainam kung tunay na na-ipararamdam at nararamdaman. haay.

ang sabi ng hininga ko'ng hangin, *hooofhhh* at *swoooofhh*. huwag daw mawalan ng pag-asa hangga't siya ay naririnig pa. talaga lang.

ang sabi ng pagong, lamok, bentilador, mangga, hanger, inay, buwan at hininga ay walang patumangga. walang saysay at panay haka-haka. ang mga sinabi nila ay hindi mahalaga dahil, wala naman silang sinabi talaga. ay meron. ay.. meron nga pala.

ayokong makinig sa sabi nila. bawal makinig hangga't hindi ko naririnig sarili ko'ng kaluluwa. saka kuwan.. basta may isa pa. sikret muna.