Naglalakad na Oktopus

sa talampakan ng karagatan.

nangyare sa pagitan ng alas-diyes ng umaga hanggang alas-kuatro ng hapon.

BABALA: Nakamamatay, Walang Overpass!

gising. labas. sundan ang alon, ang alingasngas. ang unang mapapansin pag bukas ng pinto, madaming Tsunami, sunod-sunod. kasunod ng mga pugita na madaming itim na tinta. malalakas na alon na nakababalisa. ang pinakaiba at katangi-tangi talaga, ang oktopus na naglalakad sa gitna ng kalsada. umaalon ang mga galamay at lumulutang talaga. sa talampakan ng karagatan na nakapaparalisa. *glug glug* presko. hindi na kailangan pumunta ng beach mga pare ko.

nagtatampisaw sa tubig alat kasabay ng madaming jellypis na iba't-iba ang kulay. meron pang jellypis na may kaakibat na katuwang tunog. meron pang jellypis na may tatak ng aplayans sa ulo. umaalon ang mga katawan. hinahati ang mga Tsunami na dumadaan. liquid pare. sa talampakan ng dagat, mga syokoy ay nagkalat. umaalon, bumubulwak. umuusok sa sarap.

kahit malakas ang alon, madami pa ding oktopus ang naglalakad. hindi sumasabay sa mga pating at buwaya. naglalakad kahit madaming pugita na madaming tinta. humahanap ng kung ano. pupunta sa kung saan. mga oktopus na tinitiis ang umaasong karagatan. panalo sa alat, sakto sa sarap.

madaming buwaya at iba't-ibang uri ng isda. walang diyanitor pis. walang halamang dagat at koral riff. may syokoy at dalagang bukid. madaming Tsunami at tintang itim. madaming buhangin na umaaso. madaming alat at aspalto. mga natanaw pagbukas ng pinto. sa pagitan ng alas-diyes at alas-kuatro.

walng tigil sa paglakad mga oktopus na tulad ko. apat lang ang galamay, akala ko walo. umaalon ang katawan at umaaso. sa talampakan ng dagat kung saan napakapresko. hinahanap ang Oasis. Oasis sa pagitan ng talampakan ng dagat at umaasong impyerno. hindi kinalilimutan, na sa Oasis na iyun lang matatagpuan, ang mga sirena, halaman at bukal ng tubig na hindi maalat, kundi malinamnam.

mirage.