Nakakita Ako ng Isda

ano naman ngayon?

kasi gumalaw yung mata niya. gumalaw kahit na-iprito na. gumalaw kahit nakahiwalay na ang kanyang ulo sa katawan niya. gumalaw ang mata niya. kumindat pa nga ata? isda, kumindat? barbers!

siya ay Tilapia, tinda ni Aling.. ewan ko sa nanay ko. malaki siya. ay mali, MALAKI SIYA. yan tama. medyo tustado at maalat-alat. malinamnam. malutong ang balat. malaki ang tinik, madaling iwasan. nahahati sa tatlong bahagi, yung ulo, ung tiyan at yung buntot. akin yung tiyan. di ko na naabutan yung buntot. yung ulo wala ng laman. yung mata na lang. at yun na nga, gumalaw ang mata niya! kumindat! nang-aakit, malagkit na malagkit! tiningan niya ako, tiningan ko din siya. MALAKING Tilapia na kumikindat pa!

ano gagawin ko? ang gara nito! kakaibang ekspiryensya talagaaa. guni-guni lang kaya yun? o may ibig ipahiwatig?

tinakpan ko ng plato at nag-intay ng siyam na segundo. dahan-dahang inangat ang takip at sinilip. nawala! nawala na yung MALAKING Tilapia na kumukurap-kurap! oh man! ano yun?! paano nangyari yun?! pawis na pawis na ko. di ko alam ang gagawin ko. sasabihin ko ba to sa nanay ko? iku-kuwento sa kebigan ko? oh man talaga! ang garang ekspiryensya! MALAKING Tilapia na kanina lang ay kumindat-kindat, tinakpan ko lang saglit ay nawala na! tama. tama nga. isa nga siguro yung magic Tilapia. tama. sasabihin ko sa nanay ko na bumalik kay Aling.. basta, at bumili ulit ng isa pa na MALAKING Tilapia. tama. di ko ipa-luluto at babantayan ko baka magsalita! baka puwede ako'ng humiling, karamdaman ko'y mapagaling, buhay ko'y magningning!

"NAY! bili ka pa ng Tilapia, MALAKING Tilapia! ubos na kasi, di niyo ko tinirhan! ulo na lang na walang laman! (nilagay ko sa bulsa yung tiyan)."

walang sumagot, walang tao. alon lang. alon ng alon. akala niya lang pala yun. akala niya may ulam siya. ang malala pa, akala niya, kumindat yung akala niyang ulam niya. akala niya, may nanay pa siya na bumili nung ulam niya na kumindat pa.