Taeng-tae Ka na Pero May Tao sa Kubeta

nakadungaw na bilis!

lahat ng bagay pinag-hihirapan sabi nila. lahat ng bagay, hindi mo makukuha kapag walang kaakibat na sipag, pag-pupursige, sakripisyo at madami pang iba. kahit sino ka pa. kahit hindi ka si Villar, may pag-asa ka. tama, hindi bawal mangarap. ang bawal, umasa sa iba para sa pangarap mo. bawal ang umasa sa gobyerno. mali din na dahil nag-hihirap ka, sila ang sisihin mo. hindi naman sila Diyos. mahiya ka naman.

sabi nga ni Inday Chorva, "puwedeng bilangin ang buhok. ayaw niyo lang dahil tinatamad kayo.". ngayon, dahil sa pag-pupursigi niya, isang maunlad na parlorista na siya na may dalawa ng branch ng Chorva SalonSpa. P25 lang, tabas ka na. yun ay dahil binilang niya ang buhok niya.

si Boy. isang hardinero. isang marangal na Pilipino. sabi niya, "ang mga pogi at malakas ang sex appeal, marunong mag-alaga ng halaman at di puro papogi lang.". dati, pinanunuod niya lang ang mga hardinerong nakaka-iskor sa mayaman nilang amo sa pelikula at drama. ngayon, siya na ang naka-iskor at dahil dun, hardin na niya ang dinidilagan niya. galing at talino. at pagka-pogi.

si Dudeparetol. dating labandero. sabi niya, "kung gusto mo'ng maglakad sa tubig, simulan mo sa palanggana. huwag sa dagat agad dahil hindi naman tayo tulad ni Jesus.". dahil dun, mula sa dating pag-lalabandero, nakapagpatayo na siya ng sarili niyang laundry shop. hindi minaliit kahit kelan ang trabaho niya.

ilan lang sila sa mga nag-hirap para umasenso. hindi umasa sa iba at hindi nagreklamo. sila ay mabuting ehemplo para sa lipunang ito. sila ang aking mga idolo bukod kay Lennon.

walang kasing pait at hirap ang pakiramdam na taeng-tae ka na e may tao sa kubeta. isang maling kilos mo lang e baka lumabas na. pero, walang katumbas ng sarap ang nanginginig na pag-hubad mo ng shorts at brip o panti mo pag-labas nung tao na yun. walang katumbas na ginhawa ang pagdampi ng puwet mo sa munting trono. ahh. ganyan ang buhay pare ko.

YEAMAN!