Putragon, Putragis

sang munting tula na masayang awitin kapag sa tingin mo, walang saysay ang..

"putragon! putragis! anak ng pating at anak ni Janice! kaning panis, singit na pawis, anak ka ng dragon! PUT-RA-GIS!"

yan. habang inaawit niyo, habang ninanamnam. isipin niyo ng isipin kung ano ang pinagkaiba ni Yoyoy at Beethoven. kung ano ang lamang ng Fur Elise sa Butchikik. habang tumutugtog sa kokote niyo ang munti kong tula, isipin ng isipin kung bakit ang buhay magara. kung bakit ang walang saysay ay kinaiinisan pero ang mga bagay na hindi naiintindihan ay pilit na isinisilid sa kokote na kasing laki ng bote ng Gerber. teka, teka. baka naman hindi mo lang naiintindihan kaya sa tingin mo ay walang saysay? baka dahil nakatikim ka na ng imported na tsokolate, ayaw mo na ng ChocNut? baka dahil ikaw ang pinakamalaking isda sa aquarium, pakiramdam mo bigatin ka na? hindi mo alam, yung imported na tsokolate na kinain mo ay may MELAMIN. hindi mo alam, bukas yung amo mo, may dalang higanteng janitor fish na triple ang laki kesa sa'yo at isama dun sa munting aquarium na pinaglalagyan mo? teka, siguraduhing pinatutugtog mo ang munti kong tula habang isinisilid mo yan sa kokote ng aso mo na kasing laki ng Jupiter.

"putragon! putragis! anak ng pating at anak ni Janice! kaning panis, singit na pawis, anak ka ng dragon! PUT-RA-GIS!"

kapag nahihila ka na pababa ng munti kong tula, huwag kang matakot, normal lang yan. pinagdaanan ko din ang karanasang yan. pero hindi ako baliw pare, hindi ako tanga. ganun ka din naman siguro kasi lumutang ka nga?

hindi lang ikaw ang nabubuhay sa mundo. madami na ang namamtay na mas may karapatan mabuhay sa'yo. huwag mo naman sayangin ang pagkakataon mo. porque imported na tsokoleyt ang kinakain mo? porque marunong ka mag-Espanyol? porque kumpleto ngipin mo? porque Classical musik pinakikinggan mo? e ang tingin mo na sa di mo naiintindihan e mababang uri kesa sa'yo?

anak ka ng dragon pare ko. putragis para sa'yo.